Geheime Radltour

Für mih hat’s ghoaßn: „Sparn!"
Sán net viel Kinder rádlgfahrn,
oamoi á Stund, ’na war`s schán gar,
weil dá Vater ängstlih war,
dáß’s uns Gfráster öfter schmeißt
oder dáß’s án Roafm zreißt!
 
Wann dá „Váti“ gwißt hätt, wo ih Narr
mit sein Garbm schán überall war,
vo „Stoawänd“ hi(n) bis „Attersee“,
bá jeder Hitz, bá Regn und Schnee.
Heut frag ih, war des wirklih gscheit?
Jednfalls war’s á schöne Zeit!