Sauber lüagn

Was mir an uns Lándlern gfallt:

Mia machn nix mit voller Gwalt.

„Da wurdt ámend á Feindschaft draus“,

hört má aus’n Gmeindehaus.

Dort werdn de Fáktn oft verbogn,

besser gsagt, es wird viel glogn!

 

Vor Gricht is des sogar erlaubt.

Fraglih, ob’s denn áh wer glaubt!

Was ähnligs gilt áh ganz privát.

Wer viel rátscht, dem wird nia fád.

Was wahr is dran, des juckt uns net,

solang wer fántásievoll redt!